کراچی سے کالعدم ٹی ٹی پی

کراچی سے کالعدم ٹی ٹی پی کے 2 دہشت گرد گرفتار

پولیس نے براہیم حیدری سے کالعدم ٹی ٹی پی کے 2 دہشت گردوں کو گرفتار کرکے دستی بم برآمدکرلئے ، گرفتار دہشت گرد افغانستان سے تربیت حاصل کر کے آئے تھے۔

کراچی میں پولیس نے انٹیلی جنس بیس کارروائی کے دوران ابراہیم حیدری سے کالعدم ٹی ٹی پی کے 2 دہشت گردوں کو گرفتار کرلیا اور 2دستی بم بھی برآمد کئے۔

پولیس کا کہنا ہے کہ گرفتار دہشت گردوں کا تعلق جنوبی وزیرستان سے ہے اور افغانستان سے تربیت حاصل کر کے آئے تھے، گرفتار ملزم نعمت اللہ کے والد اور دو بھائی بھی ٹی ٹی پی سے وابستہ تھے۔

حکام کے مطابق ملزم کے دو بھائیوں میں سے برکت اللہ گرفتار ہو چکاہے اور دوسرا بھائی امان اللہ 2014 میں پولیس مقابلےمیں مارا گیا تھا جبکہ گرفتار دہشت گرد نے مہتاب نامی شخص کو مخبری کے شبے میں قتل کیا۔

رواں ماہ کے آغاز میں کاؤنٹر ٹیرارزم ڈیپارنمنٹ نے خفیہ اطلاع پر کارروائی کرتے ہوئے نصیرآباد کو بڑی تباہی سے بچاتے ہوئے کالعدم تنظیم کے مشتبہ دہشت گرد کو گرفتار کرلیا تھا۔

سی ٹی ڈی ترجمان نے بتایا تھا کہ مبینہ دہشت گرد سے بارہ کلو دھماکا خیز مواد برآمد کیا گیا جبکہ پراما کارڈ بھی برآمد ہوا، مبینہ دہشت گرد مسافر وین کے زریعے کوئٹہ سے نصیرآباد جارہا تھا،مبینہ دہشت گرد کو حراست میں لیتے ہوئے نامعلوم مقام پر منتقل کردیا گیا ہے۔

اسی طرح کی ایک اور کامیاب کارروائی گذشتہ سال اپریل میں سی ٹی ڈی کراچی نے کی تھی، جہاں پولیس ٹریننگ کالج سعید آباد کے قریب سے کالعدم ٹی ٹی پی کے پانچ دہشت گردوں کو گرفتار کیا گیا تھا۔

LEAVE A REPLY

Please enter your comment!
Please enter your name here