اپوزیشن میرے منہ سے این آر او سننا چاہتی ہے: وزیر اعظم عمران خان

0
120

وزیر اعظم عمران خان نے اپوزیشن پر تنقید کرتے ہوئے کہا ہے کہ یہ لوگ میرے منہ سے تین لفظ سننا چاہتے ہیں، یہ تین لفظ ہیں این آر او۔

تفصیلات کے مطابق وزیر اعظم عمران خان نے سوشل میڈیا پر جاری اپنے بیان میں اپوزیشن کے حوالے سے کہا ہے کہ یہ لوگ میرے منہ سے این آر او سننا چاہتے ہیں۔

وزیر اعظم کا کہنا تھا کہ جب تک ان کو ذمہ دار نہ ٹھہرایا جائے، ملک ترقی نہیں کر سکتا، میں ان کو کبھی این ار او نہیں دوں گا، ان کو این آر او دینے کا مطلب ملک سے غداری ہوگا۔

Unless they are held accountable, the country could not be put on track of progress. They just want to hear three words ‘NRO’ from me, which I will not utter as it will amount to treachery with the country

Posted by Imran Khan (official) on Sunday, November 3, 2019

واضح رہے کہ جے یو آئی اور اتحادی اپوزیشن جماعتیں اس وقت اسلام آباد میں حکومت کے خاتمے اور وزیر اعظم عمران خان سے استعفے کے لیے ایڑھی چوٹی کا زور لگا رہی ہیں، حکومتی اراکین کا مؤقف ہے کہ اپوزیشن شروع ہی سے این آر او کے لیے تگ و دو میں لگی ہوئی ہے جس میں انھیں مسلسل ناکامی کا سامنا ہے۔

یہ بھی پڑھیں:  اداروں کا دفاع سیاست سے بالاتر ہو کر کریں گے: وزیر اعظم کا واضح مؤقف

گزشتہ روز مولانا فضل الرحمان کی اداروں کے خلاف ہرزہ سرائی کے جواب میں بھی وزیر اعظم عمران خان نے دو ٹوک مؤقف اختیار کرتے ہوئے کہا تھا کہ اداروں کا دفاع سیاست سے بالاتر ہو کر کیا جائے گا۔

وزیر اعظم کی زیر صدارت پی ٹی آئی کور کمیٹی اجلاس میں اہم فیصلے کیے گئے تھے، جن کے مطابق وزیر اعظم استعفیٰ دیں گے نہ نئے انتخابات ہوں گے، مولانا مارچ کے شرکا جب تک چاہیں بیٹھیں رہیں، کوئی اعتراض نہیں، ریڈ زون کی طرف بڑھنے پر قانون حرکت میں آئے گا۔

LEAVE A REPLY

Please enter your comment!
Please enter your name here