ملعون کو قرآن کریم کی توہین سے روکنے والا مسلم نوجوان ہیرو قرار

0
19
ilyas Hero of Muslim Ummah

 ناروے میں اسلام مخالف ریلی میں ایک ملعون کو قرآن کریم کی توہین سے روکنے والا مسلم نوجوان کو ہیرو قرار دے دیا گیا۔

تفصیلات کے مطابق ناروے میں اسلام مخالف ریلی میں ایک ملعون کی جانب سے قرآن کریم کی بیحرمتی سے روکنے والے مسلم نوجوان کو گرفتار کرلیا گیا، سوشل میڈیا پر الیاس کی رہائی کے لیے مہم زور پکڑ گئی۔

الیاس نے مجمع میں جب ریلی کے مظاہرین کو للکارا تو پوری دنیا سے پذیرائی ملی، سوشل میڈیا پر نوجوان ڈیفنڈر آف اسلام کے نام سے ٹرینڈ بن گیا اور صارفین کی جانب سے نوجوان کے اقدام کو خوب سراہا جارہا ہے۔

ویڈیو میں دیکھا جاسکتا ہے کہ اسلام مخالف ریلی کے دوران ایک شخص قرآن پاک کی بیحرمتی کررہا ہے جبکہ مسلم نوجوان اسے روکنے کی کوشش کرتا ہے تو پولیس کی جانب سے اسے گرفتار کرلیا جاتا ہے۔

ترکی نے بھی ملعون لارس تھورسن کو سخت سزا دینے کا مطالبہ کیا ہے۔

سماجی رابطے کی ویب سائٹ ٹویٹر پر اداکارہ وینا ملک نے بھی کہا ہے کہ ’میں وینا ملک حکومت پاکستان سے مطالبہ کرتی ہوں کہ ناروے ڈنمارک کے ساتھ سفارتی تعلقات ختم کیے جائیں، ان کی اشیا کا بائیکاٹ کرکے کمپنیوں کو پاکستان سے بھگایا جائے، نبی کریم پر میری جان مال اولاد سب قربان ہے۔

واضح رہے کہ یورپ میں اسلاموفوبیا عروج پر ہے وزیراعظم عمران خان نے بھی اقوام متحدہ کے جنرل اسمبلی میں خطاب کے دوران اسلاموفوبیا کے حوالے سے حقائق بیان کیے تھے۔

LEAVE A REPLY

Please enter your comment!
Please enter your name here