پاکستان کا سعودی عرب کی جانب سے قطر کیلئے سرحد یں کھولنے کے اقدام کا خیرمقدم

پاکستان نے سعودی عرب کی جانب سے قطر کیلئے سرحد یں کھولنے کے اقدام کا خیرمقدم کرتے ہوئے کہا اس اقدام کیلئے امیرکویت کے مثبت کردارکی تعریف کی۔

پاکستانی دفتر خارجہ کے ترجمان کی جانب سے سعودی عرب کی جانب سے قطر کیلئے سرحدیں کھولنے کے اقدام پر اپنے میں بیان میں کہا کہ پاکستان خلیجی ممالک میں مثبت پیش رفت کا خیرمقدم کرتا ہے اور اس اقدام کیلئےامیرکویت کےمثبت کردارکی تعریف کرتا ہے۔

خلیجی ممالک کی جانب سےخطے کے مسائل حل کرنے کی کوشش کوسراہتے ہیں، پاکستان خلیجی تعاون کونسل کے ساتھ تعلقات کو اہمیت دیتا ہے اور خلیجی ممالک سے تعاون،دوطرفہ تعلقات کےاستحکام کیلئے پر عزم ہے۔

یاد رہے محمد بن سلمان اور امیر قطر شیخ تمیم کے درمیان ٹیلیفونک رابطہ ہوا، اس دوران امیر کویت کی تجویز پر سعودی عرب اور قطر کے درمیان سرحدیں کھولنے کا فیصلہ کیا گیا۔

رپورٹ کے مطابق بری، بحری اور فضائی سرحدیں کھولنے کے فیصلے پر عمل درآمد آج رات سے شروع ہوجائے گا۔

خیال رہے  خلیجی تعاون کونسل کا اجلاس آج سعودی عرب میں منعقد ہونے جارہا ہے، اس اہم بیٹھک میں خلیجی ممالک کے درمیان تعلقات سمیت دیگر امور پر تبادلہ خیال کیا جائے گا۔

LEAVE A REPLY

Please enter your comment!
Please enter your name here