کراچی: پہلوان گوٹھ میں پولیس مقابلہ، ٹارگٹ کلر ہلاک

0
53

شہر قائد کے علاقے پہلوان گوٹھ میں پولیس مقابلے میں ٹارگٹ کلر نعمان عرف نومی مارا گیا۔

انچارج سی ٹی ڈی راجہ عمر خطاب نے بتایا کہ نعمان عرف نومی جرائم پیشہ اور ٹارگٹ کلر تھا، ہلاک ملزم اے ایس آئی کی ٹارگٹ کلنگ میں ملوث تھا۔

راجہ عمر خطاب کا کہنا تھا کہ تھانہ صدر کی حدود میں اے ایس آئی غلام محمد کو قتل کیا گیا تھا، ٹارگٹ کلنگ کے بعد ملزم اے ایس آئی کا اسلحہ لے کر فرار ہوا تھا۔

انہوں نے بتایا کہ ٹارگٹ کلنگ کیس کی انٹیلی جنس بنیاد پر تفتیش کی گئی، مسلسل نگرانی کے بعد ملزم تک رسائی حاصل ہوئی، مقابلے میں ہلاک ملزم سے آلہ قتل اور چھینا گیا اسلحہ برآمد کیا گیا۔

انچارج سی ٹی ڈی راجہ عمر خطاب کا مزید کہنا تھا کہ ہلاک ملزم کے دیگر ساتھیوں کی تلاش جاری ہے۔

یاد رہے کہ گزشتہ ماہ کراچی کے علاقے بلدیہ مواچھ گوٹھ میں رینجرز اور کاؤنٹر ٹیررازم ڈیپارٹمنٹ کے اہلکاروں نے مشترکہ کارروائی کرتے ہوئے کالعدم تنظیم کے 2 دہشت گردوں کو ہلاک کر دیا تھا۔

LEAVE A REPLY

Please enter your comment!
Please enter your name here