پولیس وردی میں تصاویر اور ویڈیوز سوشل میڈیا پر شیئر کرنے پر پابندی

 آئی جی پنجاب نے پولیس افسران اور اہلکاروں پر وردی پہنے تصاویر اور ویڈیوز سوشل میڈیا پر شیئر کرنے پر پابندی عائد کردی اور کہا احکامات کی خلاف ورزی کرنے والوں کے خلاف سخت قانونی کارروائی کی جائے گی۔

آئی جی پنجاب نے سی سی پی او لاہور اور تمام ریجنل اور ڈسٹرکٹ افسران کو مراسلہ جاری کیا ہے ، جس میں کہا گیا ہے کہ پولیس افسران اوراہلکار وردی پہنے تصاویر اور ویڈیوز سوشل میڈیا پر نہیں ڈالیں گے۔

مراسلے میں کہا گیا ہے کہ وردی پہن کر نجی یا کسی بھی پروگرام میں شرکت نہیں کی جائے گی، پولیس افسر کی حیثیت سے عوامی سوشل میڈیا پر گروپ نہیں بنایا جائے گا۔

آئی جی پنجاب کا کہنا ہے کہ سوشل میڈیا پر محکمانہ مواد اپ لوڈ کرنے پر بھی پابندی ہوگی اور ایس پی سطح کے افسران کے علاوہ کوئی میڈیا پراپنا مؤقف نہیں دے گا۔

مراسلے میں کہا ہے کہ افسران و اہلکار کسی سوشل میڈیا گروپ کے رکن ہے تو گروپ فوراً چھوڑ دیں، احکامات کی خلاف ورزی کرنے والوں کے خلاف سخت قانونی کارروائی کی جائے گی۔

LEAVE A REPLY

Please enter your comment!
Please enter your name here