اسلام آباد، جدہ جانے والے مسافر سے چار کلو ہیروئن برآمد

0
31

 بے نظیر ایئرپورٹ پر جدہ جانے والے مسافر سے چار کلو ہیروئن برآمد کر کے مسافر کو حراست میں لے لیا گیا۔

بے نظیر ایئرپورٹ پر جدہ جانے والے مسافر کے سامان کے خفیہ خانوں سے چار کلو ہیروئن برآمد ہوئی ہے جس کے بعد ایئر پورٹ سیکیورٹی فورس نے ملزم کاشف سجاد شاہ کو حراست میں لے لیا ہے۔

ایئر پورٹ ذرائع کا کہنا ہے کہ ملزم کاشف سجاد شاہ غیر ملکی ایئر لائن کی پرواز 633 سے جدہ جا رہا تھا کہ شک کی بناء پر مسافر کی تلاشی لی گئی تو سامان سے چار کلو ہیروئن برآمد ہوئی جس کے بعد ائیر پورٹ سیکورٹی فورس نے مسافر کو گرفتار کر کے تفتیش کا آغاز کردیا ہے۔

ایئرپورٹ سیکیورٹی فورس کے ذرائع کے مطابق گرفتار ملزم کاشف سجاد شاہ کا تعلق چارسدہ سے ہے جو اسلام آباد سے جدہ جارہا تھا کہ ایئرپورٹ پر گرفتار ہو گیا۔

اس سے قبل بھی پاکستان سے منشیات اسمگل کی کرنے کی کئی کوششوں کو ایئرپورٹ پر ناکام بنایا گیا تھا لیکن اس کے مکمل روک تھام اور سدباب کے لیے سخت قوانین کے ساتھ ساتھ موثر سیکیورٹی کے نظام کی بھی ضرورت ہے۔

LEAVE A REPLY

Please enter your comment!
Please enter your name here