بھارتی فوج کی فائرنگ سے شہری زخمی، پاکستان کا بھارت کے خلاف بڑا اقدام

دفتر خارجہ نے جنگ بندی کے معاہدے کی خلاف ورزی کرنے پر بھارتی سفارت کار کو طلب کر کے شدید احتجاج ریکارڈ کروایا۔

دفتر خارجہ کے ترجمان کی جانب سے جاری ہونے والے اعلامیے کے مطابق لائن آف کنٹرول (ایل او سی) پر بھارتی فوج نے شہری آبادی والے علاقے پر بھاری ہتھیاروں کے ساتھ بلا اشتعال فائرنگ کی۔

بھارتی فوج کی فائرنگ سے 34 سالہ سرفراز نامی لڑکا زخمی ہوا جسے طبی امداد کے لیے اسپتال منتقل کیا گیا۔ ترجمان دفتر خارجہ کے مطابق جنگ بندی معاہدے کی خلاف وزیر پر بھارتی سفارت کار کو دفتر خارجہ طلب کر کے احتجاج کیا گیا۔

ترجمان دفتر خارجہ کے مطابق بھارت تین ہزار 97 بار سیز فائر کی خلاف ورزی کرچکا ہے، بھارتی فوج کی اشتعال انگیزی سے 28 افراد شہید جبکہ 257 معصوم شہری زخمی ہوئے ہیں۔

واضح رہے کہ بھارتی فوج نے تیس دسمبر کو لائن آف کنٹرول کے دو مختلف سیکٹر کھوئی رٹہ اور کٹیرا پر بلا اشتعال فائرنگ کی تھی جس پر پاک فوج نے بھرپور جواب دیا تھا۔

کھوئی رٹہ سیکٹر پر فائرنگ کے تبادلے میں پاک فوج کے سپاہی نے جام شہادت نوش کیا جبکہ کوٹ کٹیرا سیکٹر پر ہونے والی فائرنگ کے نتیجے میں چونتیس سالہ شہری شدید زخمی ہوا تھا۔

LEAVE A REPLY

Please enter your comment!
Please enter your name here