تاریخی معاہدے کے بعد افغانستان میں زوردار دھماکا، ہلاکتیں

0
12

افغان صوبہ ’خھوست‘ زوردار دھماکے سے گونج اٹھا جس کے نتیجے میں 3 افراد ہلاک اور متعدد زخمی ہوگئے، امریکا اور طالبان کے درمیان تاریخی معاہدے کے بعد یہ پہلا دہشت گردی کا واقعہ ہے۔

غیرملکی خبررساں ادارے کی رپورٹ کے مطابق افغان پولیس حکام کا کہنا ہے کہ یہ دھماکا مشرقی خھوست میں فٹ بال میچ کے دوران ہوا، شدت پسندوں نے موٹر سائیکل میں بارودی مواد نصب کیا تھا۔

پولیس چیف سید احمد کا کہنا ہے کہ فٹ بال گراؤنڈ میں کھیل جاری تھا کہ اچانک دھماکا ہوا۔ صوبائی حکومت کے ترجمان طالب خان نے دھماکے کی تصدیق کردی البتہ دھماکے کی ذمے داری کسی شدت پسند گروہ نے قبول نہیں کی۔

افغان طالبان کا عارضی جنگ بندی معاہدے کے خاتمے کا اعلان

خیال رہے کہ یہ دہشت گرد کارروائی ایسے وقت میں عمل میں آئی جب افغان طالبان نے امریکا کے ساتھ دو روز قبل ہونے والا عارضی جنگ بندی کے خاتمے کا اعلان کیا اور کہا کہ افغانستان میں کارروائیاں جاری رکھیں گے۔

طالبان ترجمان کا کہنا تھا کہ امریکا کو 5 ہزار قیدیوں کی رہائی کا وعدہ پورا کرنا ہوگا ورنہ طالبان افغانستان میں کارروائیاں شروع کردیں گے، امریکا طالبان معاہدے کے تحت طالبان کے 5 ہزار قیدی 10مارچ تک رہا ہونے ہیں۔

LEAVE A REPLY

Please enter your comment!
Please enter your name here