آئی ایس آئی نام ہے قربانیوں کی لازوال داستانوں کے مجموعے کا. “قربانی” کس چیز کی قربانی؟؟؟

0
1271

آئی ایس آئی نام ہے قربانیوں کی لازوال داستانوں کے مجموعے کا. “قربانی” کس چیز کی قربانی؟؟؟
جان کی قربانی…. ذاتی خوشیوں کی قربانی…رشتوں کی قربانی….محبتوں کی قربانی…..مستقبل کی قربانی…..
میں کیا تها میں بهول چکا ھوں.یادوں کے دریچے میں جو کبهی جهانکوں، تو مٹے مٹے سے نقش نظر آتے ہیں. کچھ دهندلائے ھوئے سے چہرے آنکهوں میں آن ٹهرتے ہیں…یہ چہرہ میری ماں کا ھے. اس چہرے پہ پهیلا ھوا نور ہمیشہ ایک حصار کی مانند اپنے جسم سے لپٹا ھوا پاتا ھوں.اور یہ چہرہ میرے باپ کا ھے. وقت کے بوجھ سے کندهے جهک گے لیکن چہرہ پہ ٹهہرا عزم و حوصلہ مجهے اپنے ارادوں میں چهلکتا محسوس ھوتا ھے. اس چہرے پہ ٹهہری چٹان سی خاموشی…..مگر اس کے دل میں اٹهتے طوفان یہ احساس دلاتے ہیں کہ دل میں کہیں بہت گہرا ھے سائبانی کا احساس لیے ھوئے یہ میری بہن ھے اور زمانے کے سردوگرم سے آزما تنہا سا یہ وجود میرے بهائ کا ھے.امنگوں کو دل میں بساے رنگوں سے بےنیاز یہ ہستی کبهی سرخ جوڑے میں ملبوس میرے ھمقدم تهی اور آج سفید رنگ اوڑهے معصوم بچوں کو قربانی کا سبق دے رھی ھے….”بچے” ھاں یہ میرے بچے ہیں. میرے وجود کا ایسا حصہ جسے کئ سالوں سے میں خود چهو نہ سکا…….کتنے معصوم سے سوال ہیں میرے بچوں کے…… ماں کیا قربانی صرف عید پہ کی جاتی ھے ۔ ۔ ؟ ماں عید کا دن تو خوشی منانے کا ھوتا ھے نا۔ ۔ ؟ ماں میرے سب دوست تو بس جانور قربان کرتے ہیں. اور ھر بار بابا جان کے بناء عید مناتے ہیں تو ھم خود قربان ھو جاتے ہیں….ماں جانوروں کی قربانی تو سب کو نظر آتی ھے مگر ماں ھمارے ارمان جو قربان ھوتے ہیں وہ کیوں نہیں کسی کو نظر آتے ۔ ۔ ۔ ؟ ماں بابا جان کے بناء کوئ عید “عید” نہیں لگتی….. بس اس سے زیادہ میں تصور نہیں کر سکتا کہ میں کون تها….میری پہچان کیا تهی…..میرا ماضی کیا تها….. مجهے خود کو بس اتنا یاد دلانا ھے کہ میں “کون” ھوں…… میں آئی ایس آئی کا ایجنٹ ھوں….. میں بےنام ونشان ھوں…..میرے کوئی اپنے نہیں…..میری کوئ عید نہیں……مجهے وطن کے لیے جینا ھے جب تک جینا ھے. میرے پاس بس ایک رشتہ ھے”مٹی سے وفا” کا رشتہ ۔ میرا ایک ھی تعلق ھے “پاک زمین سے انمول تعلق” ۔ میری ایک ہی پہچان ھے ۔میں “گمنام پاکستانی” ھوں ۔ کیا آپ بتا سکتے ہیں کہ “قربانی” کیا ھوتی ھے ۔ ۔ ۔ ۔ ؟ —

LEAVE A REPLY

Please enter your comment!
Please enter your name here